13  11  2019

Հունվարի 1-ից թանկանալու է 699 անուն ապրանք. նախարարի պարզաբանումը

Հունվարի 1-ից թանկանալու է 699 անուն ապրանք. նախարարի պարզաբանումը

Էկոնոմիկայի նախարար Տիգրան Խաչատրյանն ԱԺ-ում հարցուպատասխանի ժամանակ անդրադարձավ հունվարի 1-ից սպասվող թանկացումներին․ 699 անուն ապրանք թանկանալու է՝ միս, մսամթերք, ձեթ, հացահատիկ, դեղորայք։

«2020 թվականից մաքսատուրքի դրույքաչափերի փոփոխությամբ այդ բոլոր ապրանքների հանրագումարային ազդեցությունը գնաճի վրա չի լինելու 0,5-0,6  տոկոսային կետից ավելի»։Նախարարը նշեց ՝  բնակչությունը որևէ լրացուցիչ ազդեցություն չի զգալու։

«Գնաճն ագրեգացված ցուցանիշ է, բոլոր ապրանքատեսակները որոշակի գնաճ ունենում են և հանրագումարով դրանք նախորդ տարվա միջին գների համեմատ որոշակի տոկոսով բարձր են լինում։ Եթե մենք պետբյուջեի քննարկման շրջանակում խոսում ենք, որ այս տարի 2, եկող տարի 3 տոկոս գնաճ կլինի, ենթադրվում է, որ դա մասամբ լինելու է հացահատկի, մսի, ձվի և այլ ապրանքատեսակների գների որոշակի փոփոխության արդյունքում։ Բոլորը հանրագումարով 3 տոկոսը գերազանցող չափով ավելի գնաճ չեն առաջացնելու»,- ասաց նախարարը։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ