20  02  2020

Ինչո՞ւ Անդրանիկ Քոչարյանի որդին չի ծառայել բանակում

Ինչո՞ւ Անդրանիկ Քոչարյանի որդին չի ծառայել բանակում

hraparak.am-ը գրում է.

«Ավարտվեց պատգամավոր Անդրանիկ Քոչարյանի որդու՝ Լևոն Քոչարյանի թեկնածուական ատենախոսության պաշտպանությունը: Ավարտին մոտեցանք նրան, և փորձեցինք ճշտել, թե ինչ պատճառով չի ծառայել բանակում, պատասխանեց, որ հարցի մեջ քաղաքական ենթատեքստ է տեսնում, ուստի չի պատասխանում հարցին՝ խորհուրդ տալով դիմել զինկոմիսարիատ:

Հարցրինք, բայց ինչու՞ դիմենք զինկոմիսարիատ, եթե անձամբ իրեն ենք հարցը ուղղում, նա դարձյալ չպատասխանեց հարցին: Հետաքրքրվեցինք նաև, թե երբևէ պատրաստվու՞մ է ծառայել Զինված ուժերում, ասաց, որ այդ հարցի պատասխանը ևս չունի:

Հիշեցնենք, որ Լևոն Քոչարյանը ԱԺ անվտանգության հարցերի մշտական հանձնաժողովի նախագահ Անդրանիկ Քոչարյանի որդին է: Եթե ԲՈԿ-ը հաստատի նրա ատենախոսությունը, ապա նա կազատվի զինվորական ծառայությունից: Լևոն Քոչարյանը 26 տարեկան է, և աշխատում է «Ինգո Արմենիա» ապահովագրական ընկերությունում:

Նշենք, որ հանձնաժողովը հաստատեց Քոչարյանի ատենախոսությունը՝ 7 կողմ և 0 դեմ ձայներով»:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ